Product Description
My eerste wilde eiland-avontuur
Author: Riaan Manser • Illustrator: Martinus van Tee
Format: Paperback
Recommended for ages 5+
In Julie 2009 het Manser ’n volgende wêreldrekord gestel toe hy die eerste persoon was wat die wêreld se vierde grootste eiland, Madagaskar, per kajak omseil het - ook alleen en sonder hulp. Hierdie kolossale reis van 5000 km, wat hom elf maande geneem het, was volgens hom aansienlik meer veeleisend, beide fisies en geestelik.
Hy moes uiterste eensaamheid oorwin terwyl hy verraderlike toestande verduur het, soos donderende golwe, siklone en ’n skroeiende son wat, gekombineer met soutwater, hom amper lewendig gepekel het. Tydens sy omseiling het hy baie onvergeetlike noue ontmoetings met Madagaskar se seelewe gehad – boggelrugwalvisse wat meters van sy kajak af deur die oppervlak gebreek het, reuse-leerskilpaaie wat langs hom geswem het, en sy boot wat deur ’n haai gestamp is.
Riaan het in ’n tydperk van uiterste politieke onrus in Madagaskar rondgereis en hy het 5 keer in die tronk beland, die laaste keer drie nagte op vermoede dat hy huursoldaataktiwiteite uitgevoer het. In April 2010 is Manser se pogings beloon met sy tweede toekenning, “Out There Adventurer of the Year 2009”.
“Around Madagascar on my Kayak”, die boek waarin hy van sy wonderlike prestasie vertel, het ook lof ontvang.
About the Author
Riaan Manser het opslae gemaak toe hy die eerste een in die wêreld geword het om met ’n fiets reg rondom die Afrika-kontinent te ry. Dié reis het hom presies twee jaar, twee maande en vyftien dae geneem – sonder hulp en stoksielalleen.
Manser se prestasie het aan hom die titel “Out There Adventurer of the Year 2006” besorg. Jy kan alles oor sy ongelooflike avonture in sy boeke lees!
About the Illustrator
Martinus van Tee is ’n spotprenttekenaar, skilder en illustreerder. Hy spesialiseer in humoristiese illustrasie, en lewendige karikature, en werk in digitale en tradisionele media.
For custom orders and quotes: shop@schoolspace.co.za
This product description is the exclusive intellectual property of the publisher, protected under copyright law. Unauthorized use, adaption, or copying is strictly prohibited. © 2026 Schoolspace
