Product Description
Via Afrika Tshivenḓa Home Language Grade 9 Novel: Vho rwa fhasi
Format: Physical Hardcopy
Mafhungo a vhundiandia a tshi ḓa huṅwe a ya dina. Vho tou pfa u pfi mitambo ya 2010 FIFA World Cup i khou ḓa u farelwa kha ḽa Afrika Tshipembe, vhe nḓala ndi hone yo shona. Vha eḓela vha sa eḓeli vha tshi vhamba maano a vhufhura uri vha ḓo ralo u vha vhuṱholini ha shango.
Vha tshinya mbonalo mbuya ya shango ḽashu ḽa Afrika Tshipembe nga vhumbulu, vhufhura na vhugevhenga. Vha ngafhi Vho -Tshiita na maano avho o vha wedzaho dindini ḽa zwililo na u shenganya mano? Tshivhenga we a vha o fhulufhedzisana na Nzumbululo o fhelela-fhi? O ḓishuma tshitavhatsindi ṅwana wa vhathu.
Shango ḽo vhifha muvhilini nga khaladzi. Iṱali mulifho wa mmbwa hu ṱhoho yayo. Ndi zwa fhasi ha murunzi wa ḓuvha vhone. Muthu ndi a vuwa nde kakara. Matsina u rangani a ho ngo pfi muthu u ḓo ḽa tsha biko ḽawe? Zwino izwi zwa Vho -Tshiita na vhathu vhavho ndi zwa mini? Tshelede ndi mavhulahise nga khaladzi. Vhaṅwe vho ḓi ri vha ḓo lu fukula lupfumo, vha ḓo ralo u kapa mapfura nga lebula, matsina ndi u ḓishela mutshinyalo. A re na nḓevhe dza u pfa nga a pfe. Vha nga vha vhe avha vhe ra dzula ngavho, vho rwa fhasi. U khou ralo muṅwali.
For custom orders and quotes: shop@schoolspace.co.za
© 2026 Schoolspace. This product description is the exclusive intellectual property of the publisher, protected under copyright law. Unauthorized use, adaption, or copying is strictly prohibited.
