Product Description
Isingqi Sesihobe (poetry)
Author(s): F. Dyubhele
Format: Physical Hardcopy
Isingqi sesihobe yingqokelela yemihobe ebhalwe ziimbongi ezineliso elibukhali nezinamava angathandabuzekiyo kwiinkalo ezahlukeneyo zobomi esibuphilayo imihla ngemihla. Imihobe ekule ncwadi ichaphazela izinto ngezinto ezenzeka kwintlalo yethu yemihla ngemihla.
Imiba yezopolitiko, eyezenkcubeko, eyezendalo kwanezenzo nemikhwa enxamnye nenkcubeko yomntu omnyama, konke oko kuqulethwe yile mihobe. Ngaxeshanye, le mihobe iyacebisa, iyagxeka, ivusa iingqondo zabantu ebezilele obentlombe kwimiba ethile, iyakhuthaza kanti ikho nekhuza ihewule, iheshe okweshologu imikhwa emibi efikele umzi kaXhosa.
Indlela ezitsho ngayo iimazi namaduna omzi kaPhalo ithi wena umameleyo, mamela ungayeki.
For custom orders and quotes: shop@schoolspace.co.za
© 2026 Schoolspace. This product description is the exclusive intellectual property of the publisher, protected under copyright law. Unauthorized use, adaption, or copying is strictly prohibited.
